كام بيت شعر كده من زمان فات

حُبها اللي شاغل عقلي وفكري :. .: هواها بيجري جوا دمّي وعِرقي

ليل ونهار قلبي اللى بيدق ويقول :. .: مصر يا أم الكون بدمنا نفديكى ورحنا عشانك تكون وتكون

مصر هى أمى وبيقولوا عليا مجنون علشان بحبها :. .: بس المجنون اللى ما يُدرك سرها

يقولوا اللى يقولوه :. .: عمر ما اللى فى قلبي يغيروه

قلمى اللى مش رسم لكن :. .: قلبي عشان اثير ليكِ فنطق بحبُه فيكِ

إنتِ الماضي وإنتِ الحاضر وإنت المستقبل

المــــــاضـــــي كان وكان وذكريات زمان

الحـــــــــــاضـــــــــــر بمُرّك بحلوك هو الآن

المستقبل نشوف به عيون خير لأدام

فيكِ ريحة الحبايب والحُب الغايب

فيكِ الطفولة وأيام زمان والحُب اللي اتحكى فيه الزمان

رسولنا قال خير أجندة الأرض.. فيا جندي يا مصري

أنت الشرف وراية بلدك ترفعها للسما.. وترفرف بين الحمام والهوا

مهما بغيب فإنتى القريب وعيونك فى عيونى ما بتغيب
أقول فيكى كمان وكمان لان قلبي فيكِ هيمان
بس اٌذن اللى بتسمعنا الآن حاسه اللى فيكِ اتقال

فنسبهم بفكرهم يطيروا بيكِ لأيام زمان

---------------------------

كام بيت الشعر ده كتبته من حوالي 3 أو 4 سنين أيام ما كنت في الغربة.. وسبحان الله دلوقتي وأنا بقلب في وسط فايلات الجهاز لاقيت الفايل ففتحته ولاقيت نفسي بقرأ اللى كتبته.. وحينها تسألت أنا ازاى كتبت الكلام ده؟