فرح هيفا فى فندق بجنوب لبنان وتكلفته 55 مليون جنيه بس ، بفتكر فى الوقت ده سواق المكروباس لما يجاوبنى ويقولى الأجرة جنية وربع بس ، يا ترى الـ 55 مليون جنية دول يأكلوا كام عيله فقيرة فى أى دولة عربيه ولا يا ترى الـ 55 مليون جنية دول يعملوا كام جنية وربع ويا ترى ويا ترى ؟؟
بلاش ده ، ننتقل لمشهد ثالث ، نقلاً عن برنامج الإعلامى الكبير الاستاذ أحمد المسلمانى فى برنامج الطبعة الأولى إن وزير التنمية الإقتصاديه المصرى يقول "إن إقتصاد مصر زى سيارة قوتها 2000 سى سى وفيها سلندر عطلان ، حد بالذمة فهم حاجه ؟!تخمينى للكلام اللى مليان كلاكيع ده إن إقتصاد مصر قوى وغير متأثر بالأزمة الإقتصاديه العالمية _ طبعا غير صحيح _ على حسب قول د. أحمد نظيف على إذاعة ذات صباح يوما ما ولكن به جزء عطلان ، إللى هو السلندر اللى تحدث عنه الدكتور عثمان محمد عثمان وزير التنمية الاقتصاديه المصرى، ونقلا عن نفس البرنامج ، الوزير العشوائى _ على حد تعبير مقدم البرنامج _ الدكتور يوسف بطرس غالى قال : خلى البلية تلعب. يا ترى يعنى إيه البلية تلعب ؟ وتعلب فين ؟ وليه ؟ وإمتا ؟ وازاى ؟ إللى فهم يقتل حيرتنا الله يخليكوا
ننتقل لمشهد رابع وهو زيارة اليمين المتطرف رئيس وزراء إسرائيل إلى مصر و ...ولا بلاش أكمل عشان أكيد كلام زى ده يجيب إكتئاب أكتر من ما إحنا بنشوفه على وجه الشعب الغلبان وهو محتاس وهلكان فى الشارع والمواصلات.أنا مزاجى أتعكنن وإنتوا كمان متهيقلى مزاجوا إتعكنن
وعجايب مش كده !؟؟
RSS Feed (xml)
No comments:
Post a Comment
ياقاريء خطي لا تبكي على موتي
فاليوم أنا معك وغدا في التراب
ويا مارا على قبري لا تعجب من امري
بالأمس كنت معك وغدا أنت معي
أموت ويبقى كل ماكتبته ذكرى
فياليت كل من قرأ خطي دعا لي